Descobre GALICIA

FAROS E PRAIAS SALVAXES

Se hai un son en Galicia que non cesa nunca, ese é o batir do seu mar contra as rochas, un mar embravecido no que incluso os máis aguerridos mariñeiros  viviron momentos difíciles; un mar que, nalgún momento, foi habitado por sereas.

BOSQUES DE GALICIA

Internarse nos bosques galegos é o mellor xeito de desconectar, de deixar atrás o frenético día a día para somerxernos nun remanso de paz e natureza. O aire húmido mestúrase co aroma das nosas árbores, do mofo, das follas secas que renxen ao noso paso e, de fondo, o son da auga que, a través dos ríos e regatos, se vai abrindo paso paseniñamente ata bater co mar. Hai que permanecer atentos no percorrido, pois estes bosques, moitos deles insondables, acollen no seu seo unha fauna e unha flora dignas de admirar.  Mestas carballeiras, aciñeirais, bosques de bidueiros e castiñeiros que, inmóbiles e silandeiros, esperan que vos acheguedes a eles e percorrades as súas paisaxes, dignas da Galicia máis máxica.

 

PATRIMONIO OCULTO

Coñecer o Patrimonio Oculto de Galicia é a mellor maneira de achegarse ao segredo que tan celosamente esta terra garda. Galicia ofrece moito que aína está por descubrir, pois é unha terra de pequenas vilas que albergan as súas propias xoias tanto artísticas coma etnográficas: pequenas igrexas (moitas delas xoias do románico) pertencentes a antigos mosteiros na máis recóndita paisaxe rural, as súas eiras e muíños que parecen detidos no tempo, castros e petróglifos que nos levan a imaxinar a vida dos nosos máis remotos antergos, castelos e fortalezas aínda en pé que nos transportan á magnificencia doutros tempos.

Estes son só unha pequena mostra de todo o que hai por descubrir en Galicia, ¿por que non tratades de desvelar o seu segredo?

XACOBEO 2021-2022

COSTA E CAMIÑO INFINITO

unnamed.png
Bosques Galicia.png